يا فرعون ايه فرعنك؟

أحمد بحيري: أحد التابعين زمان اسمه سفيان الثوري قال مرة: ما أتعس التاريخ، عليه أن يتحمل نزوات المؤرخين على الدوام. كان يقصد بنزوات المؤرخين دي إنها ممكن تبقى تطبيل للمنتصر، تغليب للميول والأهواء الشخصية والنفاق، أو حتى هجوم على اللي مش من دينك ولا بلدك لمجرد إنه مش من المعسكر بتاعك... وعمومًا الراجل كان يقصد التاريخ اللي مكتوب في الكتب والمجلدات وخلاص.. بس اللي مكانش سفيان الثوري يعرفه إن هييجي زمن يتحول فيه التاريخ من كلام فى الكتب لأفلام الناس بتشوفها، قصص متجسدة على الشاشة بتتفاعل معاها ومع أبطالها، وتبقى نزوة المؤرخ ساعتها – اللي بقى اسمه المُخرج – إنه يخلق تاريخ جديد يخلط فيه الحقايق.