مغارة سيسي بابا و40 حرامي

"دهب.. ياقوت.. مرجان.. أحمدك يا رب"، كلمات شهيرة من القصة التراثية "علي بابا والأربعين حرامي"، ومع المذيع المصري أحمد موسى، تحولت إلى حقيقة.

حسب موسى، الحرب على مصر هي وراء دعوات ثورة الغلابة. وبرّرها بأن العام المقبل، وبعد عامين عجاف من حكم عبد الفتاح السيسي، سيكون الخير للركب بسبب الخبر المفرح الذي ساقه "الخير العام المقبل هيكون عارف دهب ياقوت مرجان زي كدة، هبيع غاز وبترول بكثافة وذهب".

ثم دغدغ موسى أحلام مشاهديه "الخير ده هيخليني أعرف اديك مرتب محترم وأعرف بدل ما أزودك 10% هزودك 20 و 30 و 40 %"، وعلل ذلك "ما أنا هيكون عندي دهب وبترول وغاز بيتصدر علشان أنغنغك"، وسمى موسى ذلك "وأقولك بكل فخر دي النقلة الحقيقية للشعب".

السخرية من فيديو موسى، طغت على أغلب التعليقات، ردّ الناشطون عليه "بعد لعبة البلاي ستيشن اللي سماها حرب، العيب مش عليك، العيب عاللي بتفرج عليك ويصدقك".

علّقت موني "أحمد موسي: محدش ينزل 11/11 والسنة الجاية كلها دهب وياقوت ومرجان والشعب هايتنغنغ، أحمدك يا رب، ارقص يا جدع، الناس دي ايه فاكرة الشعب المصري عبيط".

وسخر إيهاب "لا ما دام دهب و ياقوت و مرجان و كمان أحمد موسى اللي بيقول يبقي أنا صدقت"، وطالب أيمن بتغيير اسم الدولة "طيب على كده بقى هنغير اسم البلد ونسميها مغارة علي بابا وبالنسبة لل 40 حرامي هيروحوا فين؟".

وسخرت مارلين من تصريحات موسى "أنا مش مع دعوات نزول 11/11 بس للعلم. لكن لما أسمع الأهطل ده بيقول دهب وياقوت ومرجان - ده مابقاش تطبيل - ده بقى مسخرة".

وتعجب ياسر "يعني هل تتخيل سيادتك نظام طبيعي و مستقر يخلي أحمد موسي يطلع يقول أن السنة الجاية حيكون فيه دهب ياقوت، مرجان؟!".

وقرر رواد التواصل الرد على مبشرات موسى بوسم #شايف_بكرة_إزاي، والذي وصل لمقدمة قائمة الأكثر تداولاً، ليردوا بحقيقة نظرتهم للغد فى ظل حكم العسكر والسيسي، من خلال واقع أسود يبشر بتراب وفقر وفشل، كما علق ناشطون.

كتب خالد "#شايف_بكره_ازاي فقر وجوع وفساد ومحسوبية وتوريث وظائف .. المنظومة فاسدة من ساسها لراسها"، وسخر كريم " وهو أنا ضامن يجي بكره عشان اشوفه #شايف_بكره_ازاي".

كما سخرت فاطمة "واحد بيقولي يعني أنزل ثورة الغلابة١١/١١وأول ما يوزعوا كيس سكر وإزازتين زيت يسيبوني ويخلعوا وآخد أنا الطريحة لوحدي؟؟ #شايف_بكره_ازاي"، وسخرت نور: "#شايف_بكره_ازاي أحمد موسى بيوعد المصريين بمغارة سيسي بابا والأربعين حرامي عشان الناس متنزلش يوم 11:11".