Akhbar Alsabah اخبار الصباح

تخوفات من حضور السيسي لنهائي كأس الأمم الإفريقية

السيسي كأس الأمم الإفريقية "‏بقولك السيسي رايح الجابون عشان يشجع المنتخب.. مبروك علينا الخسارة.. وضاعت 2 مليون دولار مكافأة البطولة"، بهذا التعليق الساخر، استقبل رواد مواقع التواصل، ما تردد عن حضور السيسي للنهائي الأفريقي، بين المنتخبين المصري والكاميروني.

فلم يمر يوم على طلب المذيع، أحمد موسى: "يا سلام لو السيسي يحضر النهائي ويرجع في الطيارة بالكأس"، حتى تداولت مواقع التواصل أنباء غير مؤكدة عن السفر، وبين سخرية من "نحس السيسي"، وطمعه في المكافآة، ورفض المتاجرة بالفوز وتطبيل اللجان، كانت ردود الأفعال.

أحمد عبده سخر، قائلاً: "السيسي راح الغابون عشان يحضر النهائي، صلاح جاله نزلة معوية والحضري جاله نزلة برد، ايه اللي وداك يا بومة يا بووومة"، وقالت هند الخولي: "حد يكلم السيسي يؤكد عليه ما يبعتش حد من طرفه الغابون يشجع الفريق المصري علشان احنا بين ايدين ربنا ومش عاوزين ربنا يغضب علينا".

بينما قال، بلال: "سامع إن السيسي هيحضر النهائى في الغابون، والله الواحد اطمن على منتخب الكاميرون، بالتوفيق.. بركاته هتظبط الدنيا إن شاء الله"، ووافقه محمد أبو زايد: "السيسي رايح يشوف الماتش في الغابون! مبروك علينا الخسارة يا رجالة".

أما حساب "بنت مصر الحرة" فربط بين السيسي وأبوتريكة: "السيسي عايز يحضر الماتش في الغابون رغم إن محدش دعاه، رئيس الغابون بقى أرسل دعوة لابوتريكة لحضور الماتش، الناس مقامات يا سيسي، #السيسي_فقرنا"، وسخرت فاطمة: "بيقولك السيسي هيحضر النهائي هيبقى السيسي هنا ورئيس الغابون هنا وتريكة هنا، والمؤيد على نغمة واحدة تريكة إرهابي تريكة إرهابي تريكة إرهابي".

وعن الطمع في الفكة، وفرض الضرائب على المصريين، كتب زيزو: "السيسي مش رايح الغابون عشان يشجع المنتخب.. فيه 2 مليون دولار مكافأة للي هياخد البطولة"، ووافقته رانيا: "السيسي عرف ان اللي بفوز بأمم أفريقيا بياخد 2 مليون دولار قالك أروح أبرشط على الفريق وآخدهم".

وتخيل محمد أشرف حواراً: " السيسى لرئيس الغابون .. لما المنتخب هيكسب هيبقى فيه كأس دهب صح ؟ .. متديهوش للحضري .. الكاس ده أنا عايزه #السيسي_والحلم_الأفريقي".

وعلى فيسبوك، وجه الناشط هيثم تغيان نصيحته: "أعتقد لو فعلاً السيسى هيروح الغابون يشاهد النهائي من هناك، لو فيه حد حكيم قاعد جنبه هيقوله : بلاش تروح أحسن، العيال بتوعنا هناك بيفوزوا بدعاء الوالدين، والراجل الأجنبي اللي بيدربهم منحوس خسر كل النهائيات اللي لعبها قبل كده، والعيال بتوع الكاميرون طوال وسراع، فبلاش تروح أحسن العيال بتوعنا يتغلبوا وتيجي في وشك أنت، والناس تكرهك أكتر ما هي كرهاك".

وتداول ناشطون فيديو لإحدى نائبات البرلمان المصري، ترتدي قميص المنتخب المصري. وسخر، أحمد محمود: "نائبة في البرطمان المصري: الكاس دا بتاعنا .. والكاس جاي يعني الكاس جاي.. للتذكرة البرلمان استولى على 771 مليون فى ستة شهور نقول على 500 حرامى يبقى كل واحد واخد 100مليون، يعنى لازم يتكلموا ويتناقشوا في الهيافة يا ننس، وعبعال لازم يشكرها"، وسخرت "بنت النيل"، قائلة: "نائبة البرلمان و الكأس جي جي..ايه الهبل ده بالذمة؟! انت رايحة على فين يا مصر يا منكوبة".
سياسة | المصدر: العربي الجديد - أحمد عزب | تاريخ النشر : السبت 04 فبراير 2017
أحدث الأخبار (سياسة)
يمكنكم متابعة احدث اخبارنا عن طريق شبكات التواصل الاجتماعى المختلفة
facebooktwitterRss
2021®أخبار الصباح AkhbarAlsabah.com