سخرية من حظر البنك المركزي تداول عملات تحمل شعار "اطمن أنت مش لوحدك"

شهدت مواقع التواصل الاجتماعي في مصر حالةً من السخرية عقب نشر مواقع مؤيدة لنظام السيسي، ما ادعت أنه قرار للبنك المركزي المصري، بمنع تداول النقود الورقية المكتوب عليها، رداً على انتشار عملات ورقية مدون عليها عبارات مناهضة للنظام.

وكان رواد مواقع التواصل الاجتماعي قد نشروا صوراً لعملات عليها شعارات ثورية، منها #ارحل_يا_سيسي و"يسقط حكم العسكر"، و"اطمن أنت مش لوحدك".

ورغم أن البنك المركزي لم يعلن رسمياً القرار، إلا أن معظم المواقع الإلكترونية المؤيدة للنظام نشرت الخبر، ما تسبب في وصول وسم #البنك_المركزي لقائمة الأكثر تداولا المصرية "الترند".

وتساءلت سماح ساخرة: "‏‎#البنك_المركزي.. يعني ماكينة عد العملات هتفرز العملة اللي مكتوب عليها ‎#ارحل_ياسيسي وتعملها بلوك؟".

وغرد مصطفى خليل: "‏چينفير لورانس في فيلم The Hunger Games كانت بتقول لابد أنه نظام ضعيف إن كانت حفنة من التوت يمكنها إسقاطه.. وچون ستيوارت كان بيقول لباسم يوسف: إن النظام الذى يخشى السخرية والنكتة هو نظام ضعيف.. فالنظام اللي بيخاف من أربع كلمات يبقى شبه نظام مهزأ. ‎#البنك_المركزي".

وسخر حساب "كلمة": "‏اللي كان معانا كتبنا عليه وصرفناه، احظر برحتك. #البنك_المركزي".

ومع نشرها صورة عملة ورقية عليها شعارات مناهضة للنظام، كتبت "نونو": "‏يا خسارة بدور في جيبي لقيت خمسة جنيه ‎#البنك_المركزي مينفعش القرار يستنا اصرفه".

ووجه محمد أحمد النصح للمصريين: "‏اكتب بقلم رصاص ولما تيجي تحطهم في البنك ابقا امسحها. #البنك_المركزي". وبغضب قال حسن صابر: "‏أروح أنا أرمي الفلوس اللي معايا وأشحت بقى. #البنك_المركزي".

وتساءل مجدي كامل: "‏ما طول عمرنا بنشوف فلوس مكتوب عليها (بخاطرهم للأبد) و(بحبك يا بكلويز) و(شلة اصحى بابا جاب موز) ومحدش اعترض.. اشمعنا دلوقتي البنك المركزي انتفض كده .. إنتوا مرعوبين أوي كده ليه؟".

وكتبت عائشة: "‏البنك المركزي يعلن منع تداول العملات ا‎لمكتوب عليها.. تخيل البنك المركزي ذات نفسه خايف لا تستصغر أي عمل يجعلهم يتوترون ولا ينامون. #ارحل_يا_سيسي".