تذكرة المترو في مواجهة دولة البطاطس

فتح رواد مواقع التواصل الاجتماعي نيرانهم على رئيس البرلمان المصري، علي عبد العال، بعد تصريحه بضرورة تحرير سعر تذكرة المترو، مشيرًا إلى أن ذلك هو الحل الوحيد لتحسين الخدمة، ما اعتبره ناشطون مقدمة لتبني البرلمان زيادة جديدة في السعر، لم تمر سنة على أحدث زيادة له.

ورداً على تصريحات رئيس البرلمان واستعداد المواطنين لأمر جديد يصبّ في مصلحتهم، دشن رواد مواقع التواصل الاجتماعي، وسم "#السيسي_يسحق_المصريين" للتعبير عن حال عبد الفتاح السيسي معهم.

ومعلقاً على تصريحات عبد العال، كتب محفوظ عبد الرحيم: "‏عبدالعال لا يملك إلا ما يغضب الشعب ويزيد من معاناته.. كل قوانين عبد العال ضد الشعب.. أيوة ضد الشعب".

وغرد حسن الصافي: "‏لما يطلع علينا الكهل عبد العال اللي اسمه رئيس مجلس النواب ويتكلم عن زيادة سعر تذكرة المترو ويطالب بزيادتها .. يبقى كده فعلا احنا محتلين احتلال علني رسمي وملناش حد يراقب ولا يجيب حقوق الشعب.. احنا في أقذر فترة تاريخية بتعيشها مصر فعلا".

ووصف مغرد آخر، الدولة: "‏طالب الدكتور علي عبدالعال، رئيس مجلس النواب، بإعادة النظر في سعر تذكرة مترو الأنفاق، مشددًا على ضرورة تحرير سعر التذكرة، قائلًا: السعر الاجتماعي لتذكرة المترو سيؤدي إلى تشغيله دون كفاءة! دولة البطاطس".


وطالب ناجي صابر: "‏طيب ماتجيبوا من الآخر بدل اللف والدوران علينا كل شوية تصريح خليكم في المفيد الصراحة راحة".

وكتبت "ترنيمة أمل": "#السيسي_يسحق_المصريين..حقك في التموين.. حقك في العيش.. حقك في الدعم على المحروقات.. حقك في تعليم مجاني.. حقك في مستشفيات حكومية تعالجك .. كل دي حقوقك استكترها عليك العسكر فمتجيش دلوقتي وتقول مش مهم حقي وخلينا نعيش جنب الحيط.. كفاية انبطاح".

وقال صاحب حساب "ثوري حر": "‏رئيس مجلس نواب برلمان الدم علي عبد العال يقول إن تحرير سعر تذكرة المترو بات ضروريًا من أجل تطويره معتبرًا أن ذلك لا يضر ..الناس بتدفع في أي مواصلة تانية أكتر من كدا.. اه يا ولاد النصابين انتم عاوزين من الناس ايه الناس ماشية تكلم نفسها ..الله يحرقكم بجاز. #السيسي_يسحق_المصريين".

وكتبت ندى: "‏‎#السيسي_يسحق_المصريين .. من ناحية المواطن فلازم يخلي باله من استهلاكه وميخلفش كتير .. ويحاول على ما يقدر يقلل احتياجاته.. وجبه واحدة يا ريت او نصها.. مش لازم الرفاهية الزيادة اللي انتوا فيها.. ومن ناحية الحكومة فكتر ألف خيرهم
انهم مجمعوناش في ميدان عام وصفونا بالرصاص مرة واحدة".

ولخص حمادة المصري حال المصريين: "‏البلد دي فيها ناس عايشة كويس وناس كويس إنها عايشة. ‎#السيسي_يسحق_المصريين".

وغردت مها صبري: "‏‎#السيسي_يسحق_المصريين.. مصر البلد اللي مليانة موارد تعيشها أفضل دولة في العالم بقت البلد الفقييييرة أوي اللي مواردها شحيييييحة بقت البلد اللي بتشحت من الدنيا كلها".