Akhbar Alsabah اخبار الصباح

سويسرا تلغي تجميد أموال المخلوع حسني مبارك

أموال المخلوع حسني مبارك اجتاحت سخرية مصحوبة بالمرارة مواقع التواصل الاجتماعي، بعد انتشار خبر إلغاء الجانب السويسري، تجميد أموال الرئيس المخلوع حسني مبارك، ورموز نظامه.
واستقبل نجله علاء مبارك الخبر بتغريدة على حسابه، قال فيها: "‏الحمد والشكر لله... بِسْم الله الرحمن الرحيم"، وتبعها بآية: "يا أيها الذين آمنوا إن جاءكم فاسق بنبأ فتبينوا"، ورد عليه محمد رمضان: "‏‎أبوك مكنش فاسق بس ده كان ظالم وحرامي ومتواطئ وقااااتل".

وغرد أمين عبدالفتاح: "‏سويسرا بعد ما شافت إن القضاء المصري أصدر قراره بالإفراج عن جميع ممتلكات حسني مبارك المجمدة ورجوعها لحوزته بالسلامة، وبراءة الأخين زهير سياحة والمغربي إسكان.. وذلك لبعد نظر الحكومة المصرية من زمان في عدم الرد .. أفرجت عن الدولارات المجمدة ومبروك لمصر".

أما "مصري" فقام بحسبة بسيطة: "‏حسني مبارك قامت عليه الثورة وسارق 70 مليار هيستردهم 400 مليار، حسني مبارك أكتر واحد استفاد من الثورة". وسخر في أخرى: "براءة جرانة والمغربي من تهمة التربح، وحياة أبوك شوفلي حد من عصابة مبارك لسة مخدش براءة".

ووافقته شيماء: "‏وطلع الكسبان الوحيد من ثورة يناير حسني مبارك مبروك يا عم... أرزاق بقى"، ودعا علي يار: "‏الله يسهلك يا حاج حسني انت وكل نظامك ناقصك ايه يا حاج، سويسرا تلغي الحظر من على أموال مبارك ورموز نظامه".

وقال "الموجي الصغير": "‏‎‎‎‎‎‎‎‎‎‎‎رجل بيلعب صح، الدولار كان 7 لما اتجمدت الفلوس، الآن 18 بعد القرار، العب يلا العب"، وغردت شهد: "‏طلقتين في الهوا علشان أبو عيلاء وعياله يا جدعان، مبرووك يا أبو عيلاء ده لو عدت من تحت ايد السيسي، ربك بيسلط أبدان على أبدان، الحكومة السويسرية تلغي تجميد أموال رموز نظام حسني مبارك".

وعلق حساب "مافيش أسرار": "‏وأخيراً سويسرا عرفت ان الشعب المصري هو اللي حرامي مش حسني مبارك ونظامه، احنا شعب مفتري"، واقتبس شريف عزت صورة من مسلسل "لن أعيش في جلباب أبي" وسخر: "فاكرة يا ولية لما قالولنا بلاش محاكمات ثورية لنظام مبارك عشان نعرف نرجع فلوسنا المتهربة في سويسرا؟".

بدورها، سخرت نور حداد: "عارفين فلوس مبارك زادت أد ايه؟ سويسرا رفعت الحظر عن فلوسه دا لو كان عاملهم وديعة بلاتينية مش هيزيدوا كده حسبى الله ونعم الوكيل". وتساءلت شيماء: "اللي كانوا بيدافعوا وبيقولوا بطلوا افترا على مبارك الراجل ملوش فلوس في سويسرا، انتم فين دلوقتي لا أسكت الله لكم صوتاً".
سياسة | المصدر: العربي الجديد - أحمد عزب | تاريخ النشر : الخميس 21 ديسمبر 2017
أحدث الأخبار (سياسة)
يمكنكم متابعة احدث اخبارنا عن طريق شبكات التواصل الاجتماعى المختلفة
facebooktwitterRss
2022®أخبار الصباح AkhbarAlsabah.com