#ارحل_ياسيسي يتصدر الـترند على التويتر

تصدر وسم #ارحل_ياسيسي قائمة الأكثر تداولاً على موقع "تويتر" في مصر، خلال أقل من ساعة، وغرّد ناشطون عبره ضد بقاء عبدالفتاح السيسي، في منصبه.

وبعد اكتساح الوسم منشورات مواقع التواصل الاجتماعي، حاولت كتائب السيسي الرد بوسم مضاد عنوانه "#السيسي_قرار_الشعب"، لكنه لم يصمد في قائمة الأكثر تداولاً إلا لوقت قصير، رغم التعليقات المتكررة من الحسابات المعروفة للكتائب الإلكترونية.

وطرح الناشط شادي الغزالي حرب سؤالاً على شكل استفتاء "‏‏تفتكروا السيسي هيرحل إزاي؟ #ارحل_ياسيسي"، وبين انقلاب أو انتخابات أو ثورة، اختارت النسبة الأكبر من رواد مواقع التواصل خيار الثورة.

وتحدى الناشط حازم عبدالعظيم السيسي "ارحل_ياسيسي، في أقل من ساعة بقى ترند رقم 1. لو راجل صحيح اعمل انتخابات نزيهة أو استفتاء. وها تعرف شعبيتك الحقيقية... مش الاعلامية الكاذبة".

وغردت زهراء "#ارحل_ياسيسي، عايزين رئيس مصري ركب مواصلات زينا، دخل مستشفى حكومي زينا، اتضرب من ظابط داخلية زينا، مرتبه بيخلص نص الشهر زينا، طالع عينه زينا".

وأكد آخر "‏#ارحل_ياسيسي، عملت كل شيء قذر وستدفع ثمن أفعالك من دمك ودم معاونيك وسترحل غير مأسوف عليك، وستلقى مصيراً سيكون عبرة لكل ظالم إلى يوم القيامة".

وهتفت إيثار "#ارحل_ياسيسي، كفاية اعتقالات واختفاء قسري، كفاية كتم في صوتنا، كفاية استخفاف بعقولنا، كفاية هيمنة الجيش على الدولة، كفاية قتل وفتنة، كفاية قرف!! كفاية عليك أوي".

وقال صاحب حساب "مصري": "إذا كنت انت فرعون سنكون لك "موسى" #ارحل_ياسيسي"، وغردت نور: "‏#ارحل_ياسيسي عشان مبقتش أفكر في الحياة، دايما بفكر في الموت والسواد، الأمل جوانا ضاع مبقتش الضحكة بتعرف لقلوبنا طريق".

وشاركت منال "#ارحل_ياسيسي الجرايم اللي عملتها في مصر مش ممكن تتكتب في تويتة محتاجة مجلد"، وكتب يوسف "#ارحل_ياسيسي، مذبحة الحرس الجمهوري، مذبحة القائد ابراهيم، مذبحة النصب التذكاري، مذبحة رابعة والنهضة، مذبحة مسجد الفتح، مذبحة عربية الترحيلات".

وتعجبت إحدى المغردات "#ارحل_ياسيسي تخيل! نفس الإيد اللي كتبت شهادة رئاستك ووقعت بعلامة صح على اسمك هي الإيد اللي بتكتب ارحل... لو الحبر بينطق كان لطم من مفارقة القدر".

وغرد "القيصر": "أنا عارف ومتأكد إنك جاي بمخطط كبييير ومش هتسيب الحكم غير بعد تنفيذه، بس أنا على يقين ان ربنا هيحفظ البلد دي مهما مكرتوا وخططتوا، #ارحل_ياسيسي".

وعلى لسان السيسي سخر أحمد "يعني أستلف فلوس وأغرق مصر في الديون عشان أشتري أسلحة وأجوعكم وأفشخكم ضرايب وأبيع البلد عشان أسدد الديون ويجي واحد يقول لي #ارحل_ياسيسي! ميصحش كده".