غزوة الكافيهات تفضح بلطجة محليات السيسي

#غزوة_الكافيهات ، مصطلح ساخر ووسم يحمل نفس الاسم، أطلقه ناشطون على حملة غلق المقاهي والمطاعم المخالفة في أحياء القاهرة، خاصة حي مصر الجديدة، الذي شهد واقعة قتل الشاب محمود بيومي، بمقهى "كيف"، عقب انتهاء مباراة منتخبي مصر والكاميرون، في نهائي كأس الأمم الأفريقية منذ أيام.

الحملة أتت عقب حملة إعلامية قامت بها الأذرع، على إثر مقتل بيومي، والحملات الإلكترونية المتعاطفة معه. وبدت في ظاهرها دليلاً على يقظة المحليات في العاصمة المصرية، لكنها أتت بأثر عكسي، واعتبرها كثير من رواد التواصل، دليلاً دامغاً على مدى تفشي الفساد في المحليات، وعلى سوء إدارة الأزمات، خاصةً أنه ترتب عليها تسريح كثير من الشباب العاملين فيها، وانطلق معها تنديد مواز على مواقع التواصل، استمر على مدار اليومين الماضيين.

وتساءل "لورد الصعيد" عن الإدارة "انفلونزا الخنازيز ادبحوا الخنازير، الطيور احرقوا الطيور، حادثة فى كافية كسروا الكافيهات، أى عقلية هذه التى تدير مصر؟". وردّت عليه سناء: "هي عقلية الاستيقاظ من السبات بعد وقوع الأزمة.. ليس لديهم عقلية كيفية إدارة الأزمات.. #غزوة_الكافيهات".

وغرد حساب "خواطر مصرية" قائلاً "#غزوة_الكافيهات، شاهدت فيديو لتكسير كافيه، منتهى التخلف، تحس إن رئيس الحى ده كان فى الأصل فتوة حارة، هو مفيش طريقة لقفل كافيه بدون تكسير الزجاج". ووافقته هناء "#غزوة_الكافيهات، دي الإدارة الفاشلة لكل أزمة بنقع فيها، نظام اقطع عرقه وسيح دمه، وميعرفوش الخراب اللي بيحل على دماغ أصحابها!".

واستغل الناشط وائل خليل أزمة الكافيهات لإلقاء الضوء على التعذيب في أقسام الشرطة، وكتب: "يبقى نعامل الأقسام زي الكافيهات، القسم اللي يتقتل فيه مواطن يتقفل #كفر_الزيات". وسخر هشام سري "بتوع الحى وشرطة المرافق اللى نزلوا النهاردة يكسروا الكافيهات قبل ما يشمعوها، خدوا كل المشروبات والأكل اللى جواها ليهم.. نشاط اقتصادي".

من جانبه، اعتبر "ناشط مش سياسي" الحملة على المقاهي مقدمة لاقتحام الجيش، فكتب: "الجيش لقى أن الكافيهات بتكسب اكتر من قناة السويس، فقرر يقفل الكافيهات المدني وقريبا جدا هينزل بكافيهات خير أجناد الارض علشان يطلع بسبوبة". وطالب صلاح الدين بنفس الحزم مع فساد المحليات "قفل الكافيهات اللي بدون تصريح جميل وزي الفل، بس اللي هيبقى فل الفل القبض على موظفين الأحياء بتوع الإشغالات والتراخيص اللي كانوا من بنها".

وتعجب المطرب محمود العسيلي "في كارثة ماحدش واخد باله منها ان فيه كتير اوي من الكافيهات اللي اتقفلت أو اتهدت تراخيصها سليمة 100%، فالحكومة بتحارب البلطجة بالبلطجة #زريبة".

وتحدت "ايزيس المصرية" النظام قائلةً "قبل ما تكسر الكافيهات اعزل وحاكم رؤساء الأحياء والموظفين منذ تاريخ افتتاح الكافيه لو انت بجد بتحارب الفساد لكن غير كده هجص وضحك على الذقون". ووافقتها إيمان "دلوقت بس حسيتوا بخطر الكافيهات ياحكومة، الكافيهات ملت البلد وداخل الكتل السكانية وده ممنوع قانوناً وكل تراخيصهم متاخدة بالرشاوى من الحى".