شاومينج يسرب تفاصيل اجتماعات وزير التربية والتعليم شخصيًا

انتفضت وزارة التربية والتعليم والأجهزة الأمنية التى تم تكليفها، من حكومة شريف إسماعيل، بمتابعة صفحات الغش، التي أصبحت كابوس يطاردهم ولم يستطيعوا السيطرة عليه الآن، وذلك بعد تسريب مادة التربية الدينية، قبل أدائها بساعات، بجانب نموذج الإجابة الخاص بها، وذلك عبر صفحة، شاومينج بيغشش الثانوية العامة، لتعلن أنها تتحدى الجميع، خاصًة بعد أن أعلنت الجهات الأمنية الكبرى فى البلاد تدخلها.

مفاجآت الصفحة لم تتوقف عند تسريب الامتحانات، وتحدى الأمن الوطنى وكل الجهات الأمنية المشاركة، لكن كانت فى تسريب تفاصيل اجتماع وزير التربية والتعليم الفنى، الهلالى الشربينى، وهو ما تسبب فى صدمة من الجميع، رغم أن الوزارة لم تنفى أو تؤكد صحة ذلك.

وقالت الصفحة على موقع التواصل الاجتماعى فيسبوك، إن تسريب امتحان الدين سيكون السابعة 7:30 قبل الامتحان لمدة ساعة فقط، ثم يتم حذفه من الصفحة، مشيرة إلى أن الامتحان بحوزتها الآن.

وقالت الصفحة للطلاب: "والله العظيم امتحان الدين هيكون معاكو كلكو قبل اللجنة... ودى أقوى ضربة للوزارة... عشان بس لسه عمالين يقولو إحنا أجلنا عشان ميتسربش... أول امتحان بعد التأجيل اتسرب".

وأضافت: "امتحان ‫‏الدين هو معانا من دلوقتى اصلا و هو متغيرش اصلا عشان محدش يفتكر انو اتغير و كمان مبيكنش لى بديل ... و عارف انتو هتسائلو هينزل امتا ... الامتحان هينزل الساعة 7.30 بالظبط بالاجابة اكيد و اكتبو بقا فى ورق و خشو اكتبو عل الحيطة".

وتابعت: "بردو الامتحانات الجاية هتتسرب عل 5 الفجر قبل الامتحانات بساعات بس هيتساب ساعة فقط و هيتمسح ... عشان ميفكروش ياجلو تانى... بس الكلام دة هيكون فية شرط ... انا عايز كولو يعمل شيييييير و منشن لصحابة عايز البوست يوصل لجرانى فى باريس".

وذكرت الصفحة أيضًا أن "الوزير غدًا سيقوم بتوزيع أوراق ليوقع عليها الطلاب لإعادة الامتحانات جميعها"، ناصحين الطلاب بألا يوقعوا عليها، ساخرة من الوزير بأنه قد علم بالقرار الذي لم يتم الإعلان عنه بعد.

وجاء فى التصريح" لعبة الوزير الجديده .. هيجلكوا بكره في اللجان هيدوكو ورق تمضوا عليه اوعي حد فيكوا يمضي عليه .. ده هيبقي اقرار منكوا انكوا موافقين علي ان الامتحانات كلها تتعاد....اهو عرفت القرار يا وزير وانت لسه متفق عليه من ربع سااعه". وتابعت: "هفضل اف... فيك بردو ووالله مش هسيبك .. المهم خلي بالكوا يا رجاله ويا بنات محدش يمضي ع اي ورق يجيلوا ... لايك بقي ومنشن لاصحابكم علشاان يعرفوا وشيييييير علشان الكل يفهم ويعرف".

وسخرت صفحة شاومينج من تصريحات وزير التربية والتعليم التى طالب فيها مساعديه بأن يحضروا رقم تليفون "شاومينج" للتفاوض معه، متحديًا الوزير بأنه لن يستطيع القبض عليه.

وقالت شاومينج" يا دينى ع المسخره ... الحقوا يا جدعان اخر الاخبار والله بجد... الوزير بيقول للناس الى هى شغاله معاه هاتولى بس رقم تليفون الى اسمه شاومينج ده وخلينا نتفاوض معاه ونديله الفلوس الي هو عاوزه ونخليه يتهد بقى .

ههه تلاقيك دلوقتي بتدور ف الادراج عندك وتحت الكراسى وورا المكتب وبردو مش هتلاقيني واه صح انا مش هسكت لو ادتنى ملايين الدنيا كلها انا وراك ومش هسيبك شيييييير وافضحوهم".

وسخرت "شاومينج" من تعليق أحد الإعلاميين بأن القائمين على "شاومينج" تابعين لجماعة "الإخوان المسلمين".

وقالت الصفحة: "شوفته المذيعه وهى بتقول للنائب ان انا من الاخوان اكتر حااجه فصلتنى ضحك اقسم بالله ^__^".

وذكرت الصفحة أن وزير التربية والتعليم يحاول الوصول إلي القائمين علي الصفحة من خلال" الجي بي أس"، مشيرة إلى أن تلك الوسائل لن تستطيع التوصل إليه. وقالت "شاومينج": "الوزير امر مجموعه من الناس بأنهم يتتبعوا البيدج دي عن طريق الجي بي اس المشكله ان الوزير ميعرفش اني بعرف المعلومه قبل ما هو يفكر فيها ... خليهم يتتبعوني هيروحو المكان هيلاقوا ورقه هناك متعلقه مكتوب فيها كده الوزير بتاعكوا ده مش راجل .. ^__^ عااااا ..".