اخبار مصر
Akhbar Alsabah اخبار الصباح
فيديوهات مصرية
هاشتاج جرائم تصفية المعتقلين في سجن العقرب
سجن العقرب دشن رواد مواقع التواصل الاجتماعي من محافظة أسيوط هاشتاج "#عنابر_الموت"؛ لتنديد بحالات التصفية داخل السجون.
وقالت الناشطة الحقوقية فاطمة موسي، عبر "فيس بوك": "حان الوقت أعتقد نتكلم عن الناس اللي بيجهزوا للموت جوه السجون من كتر الإهمال لحالاتهم ولأمراضهم، ووضعهم اللي بيتفاقم يوم عن التاني بسبب قلة العلاج، والتعنت اللي حاصل من إدارات مقرات الاحتجاز في حقهم !!".
وتابعت موسي، "أنا منسيتش أ. أبو بكر حنفي اللي أُصيب بـ كانسر جوه السجن ومات بعدها وإحنا واقفين نتفرج.. أنا مش ناسية فرغلي اللي فقد عقله جوه السجن من حبسته في الانفرادي لأكتر من 6 شهور.. أنا منسيتش اللي بيحصل للمعتقلين دلوقت سواء أ.عارف اللي قرب يفقد سمعه من المشاكل اللي فيها ومفيش علاج بيتلقاه، ناهيكم عن أنه بيعاني من التهاب كبدي وبيحتاج جلسات علاج وأدوية ممنوع عنها في السجن ومراته فاقدة الأمل، ود. جلال والعملية اللي محتاجها بسبب الزوائد العظمية اللي في كعب قدمه، وإدارة السجن اتحدت كل الطلبات اللي وافق عليها المحامي العام ورئيس نيابة تاني، وفي الآخر عرضوه على طبيب معتوه قال له عندك أملاح!".
وأضافت موسي: "مش ناسية يحيى سمير، الطالب المصاب بمرض في قلبه، ويادوب كان عامل قلب مفتوح قبل اعتقاله ولسه محكوم عليه بـ سنين سجن ورحلوه سجن المنيا، رغم حالته الخطيرة والإغماءات اللي بتحصله، وحالته اللي في أي لحظة محدش عارف ممكن تدهور اكتر إزاي".
مضيفة: "ولا ناسيين أ. خالد زهران اللي بيدخل العناية المركزة أكتر ما بيقعد في زنزانته؛ من كتر الأمراض المزمنة اللي بيعانيها، زي ارتفاع شديد في نسبة السكر وارتفاع ضغط الدم، وأنه مصاب بحمى من أكتر من 3 أسابيع، وحرارته مش بتنخفض نهائي، غير القولون اللي بيخليه مش قادر ياكل أي حاجة؛ لأنه- أعزكم الله- بيرجع أي حاجة تدخل بطنه, ولا ناسية أ. شرف عمر اللي محتاج عملية ضروري في ركبته؛ بسبب الخشونة اللي تدهور وضعها بعد اعتقاله وضيق المكان، وغيرها من الأسباب الطبية اللي معرفش أشرحها غير أنهم بيعحزوا الناس وبيضعيوا صحتهم, وغيره وغيره وغيره!".
وتابعت "تصفية المعتقلين بأمراضهم جوه السجون بدون علاج، أو إجراء عمليات ضرورية، وحرمانهم من أقل حق ليهم وهو أنهم يتلقوا معاملة آدمية, كل ده جريمة لا تقل عن جريمة القتل بالرصاص!".
سياسة | المصدر: الحرية و العدالة | تاريخ النشر : الاثنين 24 اغسطس 2015
أحدث الأخبار (سياسة)
تعليقات القراء
موقع أخبار الصباح على الفيسبوك
Akhbar Alsabah
أخبار الصباح على التويتر
خدمة أخر الأخبار
أضف بريدك الإليكتروني
للحصول على أخر أخبار مصر
الإشتراك سهل و مجاني
يمكنكم متابعة احدث اخبارنا عن طريق شبكات التواصل الاجتماعى المختلفة
facebooktwitterRss
2016®أخبار الصباح AkhbarAlsabah.com