اخبار مصر
Akhbar Alsabah اخبار الصباح
فيديوهات مصرية
المستشار وليد شرابي: منك لله يا ريس مرسي
المستشار وليد شرابي منك لله ياريس مرسي! عملت ليه كل ده يا ريس؟ هو انت كنت فاكر انك في يوم وليلة حتعدل حال البلد المايل ؟ كنت فاكر انها حتكون بلد رحمة وعدل وخير ؟؟؟!!!
انت كنت بتحلم يا ريس ،ومافهمتش الرياسة صح ،هو في حد يحلف يمين رئاسة الجمهورية في ميدان التحرير وكمان من غير واقي الرصاص ؟ هو في ريس بيصلي عادي بين الناس ؟ ومين اللي قالك ان عندنا ارادة علشان ننتج غذاءنا ودواءنا وسلاحنا ؟ هو في ريس يعالج أخته في مستشفى حكومة زي بقية خلق الله ؟ وليه يا ريس سيبتها تعاني زي ما بقية شعبك بيعاني في مستشفيات الحكومة لغاية لما ماتت ؟ وليه يا ريس حنيت عالفقير ؟ وليه يا ريس ما مصتش دم الغلبان ؟ ما غلتش ليه الكهرباء والجاز والبنزين زي كل الرؤساء الناجحين ما بيعملوا ؟ حد قالك ان الناس ماكنتش مبسوطة لما الداخلية كانت بتلفق لهم القضايا ؟ وليه تسيب الجيش على الحدود وماتجبوش ميدان التحرير ؟ ازاي رئيس جمهورية يروح يفطر في رمضان مع العساكر في سيناء ؟ هو في ريس يعزل وزير دفاع ورئيس أركان علشان شوية عساكر اتقتلوا !!! يا ريس مش كنت تكبر مخك ؟ وكمان رايح تطور في الجيش وتجيب له اباتشي من امريكا وغوصات من المانيا !!! ومين اللي قالك تحن على الغلابة ؟ ومين اللي قالك ان رغيف عيش باسم عودة كان عاجب الشعب ؟ وليه كنت مصمم تزرع القمح ؟ وليه راضيت الفلاحين الي زرعوه ؟ هو انت فاكر لما الفقراء في عهدك ياكلوا مانجه ان الناس حتكون مبسوطة ؟ هو كان لازم يعني ياريس ننتج في عهدك تابلت مصري ؟ طب قولي ليه كنت عايز تحافظ على البنات ؟ وعرفت منين ان الفساد ماوحش الشعب ؟ كان لازم يعني تاخد ضرايب من اللي نهبوا ثروات البلد ؟ مش كنت تاخد بالك ان اثيوبيا لما تمنع عنا ماية النيل مش لازم تكون دماءنا هي البديل ؟ وليه ماسبتش غازنا لليونان ؟ هو في حد عايز يبقى ريس يصلي على النبي في الامم المتحدة ؟ طب ازاي مدحت الصحابة في طهران ؟ فكرك يعني حتبقى بطل لما تجيب الصحفية المصرية المعتقلة في السودان معاك على طيارة الرئاسة ؟ هو في ريس غيرك حكم مصر وما حبسش الصحفيين اللي بيعارضوه ؟ وازاي ما قفلتش القنوات اللي بتهاجمك ؟ وهو مين غيرك نصر غرة في حربها مع اسرائيل ؟ وليه كنت فاتح البلد للسوريين اللي بيتهم اتهدت والحرب شردتهم ؟ وليه حررت الأسرى المسيحيين اللي اسروا في ليبيا ؟ لكن ازاي عرفت تعمل كل ده في سنة ؟هو انت صحيح كنت ريس ضعيف ؟ طب ليه حكموا عليك بالمؤبد في استعراض القوة ؟ وليه ابتسمت وانت محكوم عليك بالاعدام ؟ هو انت شايف يا ريس ان طريقة حكمك وحياتك دي طبيعية ؟ روح ياريس منك لله !!!
منك لله على اللي عملته معانا لان هو الوحيد اللي يقدر يعوضك عن اللي شفته مننا وبسببنا.
منك لله ياريس علشان خليت الشعب يحبك ،وكرهتنا في العيشة بعدك.
سياسة | المصدر: المستشار وليد شرابي | تاريخ النشر : الخميس 16 يوليو 2015
أحدث الأخبار (سياسة)
تعليقات القراء
موقع أخبار الصباح على الفيسبوك
Akhbar Alsabah
أخبار الصباح على التويتر
خدمة أخر الأخبار
أضف بريدك الإليكتروني
للحصول على أخر أخبار مصر
الإشتراك سهل و مجاني
يمكنكم متابعة احدث اخبارنا عن طريق شبكات التواصل الاجتماعى المختلفة
facebooktwitterRss
2016®أخبار الصباح AkhbarAlsabah.com