اخبار مصر
Akhbar Alsabah اخبار الصباح
فيديوهات مصرية
الكنيسة بدمياط تدشن حملات تنصير منظمة برأس البر
حملات تنصير لوحظ انتشار المنصرين بين رواد رأس البر و استهدافهم للشباب، حيث يتحرك المنصرين على هيئة ثنائية و يستهدفوا بالحوار المنظم و الموجه تجمعات صغيرة لشباب المصطافين و ينتهي الحوار دائماً بتوزيع اسطوانة و نسخة من انجيلهم على كل الحاضرين.

ننقل هنا تجربة فتاة تعرضت للحوار التنصيري و ننشر صورة للاسطوانة و الانجيل الذي يقوم بتوزيعه المنصرين على المصطافين برأس البر.

الكلام نصاً كما نشرته صاحبة التجربة على صفحتها:

حصل معايا النهارده بعد الفطار. فطرنا الحمد لله ونزلت انا واختي واخويا واصحابي البنات نتمشي, ودخلنا عند الفنار وبنسمع عبد المطلب ساكن في حي السيده وحبيبي ساكن في الحسين

واذا بواحدة وشابة صغيرة مسيحيين بيسألونا: مين المغني ده؟
ولما قولنا لها عبد المطلب استغربت إننا سننا صغير وبنسمع حد قديم كده، لا ولفت انتباهها إن أخويا بيقولنا اسم مغني قديم اسمه عادل مأمون يعني راميه ودانها معانا وسألتنا سؤال: هو مش الأغاني حرام في رمضان؟

ومن هنا بدأت الحية تبخ سمها :

دخلت في الدين وفي القرأن والانجيل وبطريقتها وكلامها المترتب فهمت إنها مش مجرد واحدة عادية بتتناقش عادي
تؤ تؤ تؤ دي أكبر من كده بكتير كلامها مترتب جدا وعندها رد لكل حاجة جاهزه إنها تقنعك باللي طول عمري مقتنعة بعكسه ولأني مش محضرة لهذا اللقاء معرفتش أرد الرد اللازم لهذه المناقشه العظيمه

وكلامها بيدور إن المسيح هو الرب (استغفر الله العظيم ) وأن هو الرب لأنه الشخص الوحيد اللى ملوش خطيئه (( ده على اعتبار أن كل البشر على خطيئه أبيهم آدم وأمهم حوا التى أنزلتهم من الجنه وأن عيسي هو الوحيد للى بدون خطيئة وعشان هو بدون أب وبم ان الابن بياخد دم الاب يبقي هو ربنا (استغفر الله العظيم) .....

قالت كمان ان عيسي هو اللى هيقف يحاسبنا ده مش بس كده هو اللى هيبعثنا احياء احيييه انتي بتهزري صح ومقتنعه كمان ان عيسي صلب يا ستي الله يهديكي او ميهديكيش اتحرقي بعيد عني

بس عيسي رفع الى السماء وهينزل تاني عشان يواجه المسيح الدجال وده بقي بدليل مادي من القران أصلها قالت انها بتقرأ القرأن والبخاري والتفاسير كمان إن في آيه فى القران بتقول رفعنا عيسي وشبهناه لهم طبعا انا مش حافظه الايه عشان اقول نصها بس هي عشان تشككني في ديني بقي قالت لى ارجعى للتفسير عشان تعرفي إن الآيه دي مش على سيدنا عيسي أصلا ونصحتني اقرا التفسير كويس وارجع للبخاري اللي بيوضح لى الايه

مش بس اديتنا اسطوانه فيها سيره سيدنا عيسي دي مفيش فيها مشكله خالص نعرف عن الرسل والانبياء عادي بدل جهلنا ده (بس جوايا احساس يقيني كده انها مش مجرد حكايات تؤ تؤ تؤ خالص دي هتكون...)

وكمان طلعت لصاحبتي اسطوانه تانيه

طب بالعقل ماشيه بالاسطوانات دي ليه ف الشارع وانتى جايه تتفسحي من بلدك لبلدنا بلاش كده دي كمان اعطت لصاحبتي الانجيل اللى ف الصوره ده والبنت الصغيره ادتني كتاب انجيل غلافه أخضر ومغلف كمان طب نفترض انك بتمشي بالانجيل عشان يحفظك من كل سوء زينا لما بنشيل المصحف ف الشنطه لكن شايلاه مغلف
طب والنبي ده اسمه كلام ناس عاقلين

بجد الموضوع مش سهل صحيح بعدها مشينا نضحك ونتريق ونقول كلام للقافيه يعني ولزوم الضحك بس بجد عقولنا كانت ف مكان تاني فعلا احنا لازم نفوق انتو فين يا امه محمد هتفوقو امتى الحمد لله الذي خلقنا مسلم"
سياسة | المصدر: نافذة مصر | تاريخ النشر : الأحد 28 يونيو 2015
أحدث الأخبار (سياسة)
تعليقات القراء
موقع أخبار الصباح على الفيسبوك
Akhbar Alsabah
أخبار الصباح على التويتر
خدمة أخر الأخبار
أضف بريدك الإليكتروني
للحصول على أخر أخبار مصر
الإشتراك سهل و مجاني
يمكنكم متابعة احدث اخبارنا عن طريق شبكات التواصل الاجتماعى المختلفة
facebooktwitterRss
2016®أخبار الصباح AkhbarAlsabah.com