Akhbar Alsabah اخبار الصباح

صدقي صبحي يمنح السيسي مليار جنيه

صدقي صبحي الأخ صدقي صبحي وزير دفاع السيسي قائد الانقلاب استيقظ من النوم مبكراً كالعادة وقام من فوره لعمل تمارين الصباح لكي ينمو كرش السيادة الذي يأتي علي التمارين.. قام هرش في رأسه كده وافتكر حاجة.. يا خبر ابيض.. إزاي أنا كنت ناسي؟! أما أقوم أكلم الراجل الطيب الذي حصن منصبي تحصيناً لم أكن لأحلم به..!

آلوووو..!

صدقي المتحصن : آلو إزي صحتك يا بسابيسي..؟ تصدق..؟ أنا وانا
العبد :إيه أنا وانا دي؟
صدقي :ياعم استني.. أنا وانا باتمشي انهارده افتكرت إن فيه عندنا قرشين كده في الجيش احنا مش محتاجنهم.. وممكن نساهم بيهم في حملة التبرعات دي

العبد: والله ؟ وازاي تاهوا عني القرشين دول يا خلبوص..؟!
الخلبوص: إهي إه إه إه .. دول يدوبك مليار جنيه بس يا ريس فضلة خيرك..!
العبد: طب ما تخليهم يمكن تحتاج لهم يا ابو الصداديق الكذابين
صدقي: وماله لو احتجنالهم ابقي هاتهم تاني احنا ورانا حاجة؟
العبد: لا ورانا ولا قدامنا إبعت ياعم الشوال بتاعك علي رقم الحساب واعلن بقي عن مجهود الجيش في دعم حملة التبرعات لتحيا ماسر
صدقي: هيءهيءهأ.. تحيا ماسر يا ريس
العبد: تحيا ماسر

ومنح من لا يملك من لايملك برضه.. من مال الشعب الذي يظنون أنهم امتلكوه..!!
قال يعني الجيش ده مؤسسة خاصة لكي تتبرع هي الأخري.. عالم بتستهبل..!

شوية وهايقولوالنا أن وزير الآثار بتاعهم اتبرع بابو الهول لدعم صندوق الانقلاب تحيا ماسر هذا.
سياسة | المصدر: الشعب الجديد - أبو ياسمين | تاريخ النشر : السبت 28 يونيو 2014
أحدث الأخبار (سياسة)
يمكنكم متابعة احدث اخبارنا عن طريق شبكات التواصل الاجتماعى المختلفة
facebooktwitterRss
®أخبار الصباح AkhbarAlsabah.com