Akhbar Alsabah اخبار الصباح

احلام عبد الفتاح السيسي ليلة تقلده الرئاسة

احلام عبد الفتاح السيسي كشف الإعلامي معتز مطر عن عدة أحلام راودت الرئيس الجديد عبد الفتاح السيسي خاصة بعدما عُرف إهتمام الرئيس الجديد بمسألة الأحلام والمنامات .

وقال مطر في برنامجه : هل ينفع نقولك صباحية مباركة ياريس؟ .. متهيألي ينفع لأن نساءنا حبلي بحبك .. .. المهم سيادتك نمت كويس؟ .. طبعا احنا عارفين انك منمتش في القصر انت نثت في الثكنة العسكرية اللي بنيتها واحنا كشفناها في أول حلقة .. لكن مش مهم نمت فين ؟ .. المهم النومة وانت ريس كويسة ومختلفة؟ طبعا.

وأضاف: بس فيه سؤال سألته وبيلح عليا من امبارح .. ياتري مين جالك في الحلم؟ هل حلمت بالسادات تاني وقولتله أهو بقيت ريس والنبوءة اتحققت ؟ ويا تري أحلام حضرتك كانت سعيدة ولا كان بيتكرر سيناريو فيلم معالي الوزير بتاع أحمد زكي ؟ .. شوفت كوابيس معاليك؟ ومين جالك في الكوابيس ؟ .. هل جتلك أم عبد الرحمن اللي اتكلمنا عنها امبارح وانت قتلت ولادها الاتنين واعتقلت بنتها وقالتلك اسفين علي إزعاجك؟ ولا جالك ابن الشهيد اللي كان نفسه يفرح أبوه بنجاحه وقاله افرح يا بابا انا طلعت الاول وقالك برضو أنا اسف علي إزعاجك ولا جالك الــ 1000 واحد اللي حكمت عليهم بالاعدام وهربانين اللي بينام في القصب واللي بينام في الغيط وقالوا لحضرتك نام علي السرير الفخيم واحنا اسفين علي إزعاجك .

وأردف: يا تري حد من آلاف الشهداء اللي راحوا طلعلك في المنام وقالك منتظرينك عند العزيز الجبار؟ ويا تري حد من العلماء اللي اتحكم عليهم بالاعدام حالك في المنام وقالك : دي أول ليلة ليك في القصر .. افتكر اول ليلة ليك في القبر ؟ .. يا تري شوفت مين كمان في المنام؟ القايمة طويلة يا سيادة الريس وكله منتظر دوره .. بس مش مهم كل دة المهم انك نمت اول ليلة وانت علي عرش مصر .. واحنا بنقولك اسفين علي إزعاجك وتصبح علي خير ياريس.
سياسة | المصدر: أخبار مصرية - أحمد عادل | تاريخ النشر : الأربعاء 11 يونيو 2014
أحدث الأخبار (سياسة)
يمكنكم متابعة احدث اخبارنا عن طريق شبكات التواصل الاجتماعى المختلفة
facebooktwitterRss
®أخبار الصباح AkhbarAlsabah.com