السيسي: مصر يمكن هدمها بمليار جنيه فقط

هدد عبدالفتاح السيسي بسهولة هدم مصر وإشاعة الفوضى بالبلاد حال اندلاع مظاهرات. وأضاف السيسي خلال كلمته بفعاليات اليوم الثاني لمؤتمر «حكاية وطن»: أنا ممكن أدي شريط ترامادول و1000 جنيه لـ100 ألف إنسان ظروفهم صعبة وأنزلهم 10 أسابيع يعملوا حالة، يمكن أهد بلد بمليار جنيه، يعني بمبلغ ناس بتصرفه في حفلة».

وتابع: «لما أجي أدفع 85 مليار للأسرة اللي هيا مش حاسة إنها عايشه والناس مرميه في الصفيح في الشوارع وفي المقابر، فحد يقولك البلد اللي مش لاقيه تاكل تفرشلهم الشقة كمان؟ طبعا، إذا كنا بنفهم كلنا يعني إيه أمن قومي مش هتستكتروا اللي إحنا بنعمله ده وأكتر منه.. إحنا تعبانين كده ومش معانا نعمل كده؟ أيوه، علشان مايبقاش عندك ثغرة يتم استخدامها في نظم الحرب الحديثة في هدم الدول».

وأورد السيسي:«ماحدش هيهاجمك كتير من بره بشكل مباشر لأن ده تبعاته ضخمة جدا ومكلفة جدا مش بس عسكريا وماليا حتى من منظور القانون الدولي والنظام العالمي الموجود».

واستطرد: «أنا لفيت على دول إفريقية كتير وشوفتها ماشية إزاي، سألتهم بتقدموا دعم إيه، بسألهم عشان اتعلم وأشوف بلدي ظروفها كده ليه، مفيش دولة فيهم بتقدم دعم لمواطنيها، ولا بترول ولا أكل ولا كهربا».

واختتم السيسي: «الإعلام عندنا هاجم قطر عشان الفلوس اللي صرفتهـا لتجهيزات كأس العالم، فقولتلهم بتهاجموها ليه؟ دي ناس بتبني دولة فافهموا قبل ما تهاجموا».