#مش_نازلين_علشان يتصدر التويتر

شهد هشتاج “#مش_نازلين_علشان” تفاعلا من جانب رواد مواقع التواصل الاجتماعي، مؤكدين ضرورة مقاطعة مسرحية الاستفتاء علي دستور الانقلاب، واستمرار الثورة المصرية حتي إسقاط العصابة التي استولت بالدبابة علي حكم البلاد وأفقرت وقتلت المصريين طوال السنوات الماضية.

وكتبت أريج عمر: “انا لا اعترف بالسيسي ولا بحكومته ولا برلمانه ولا باي شئ من يوم ما انقلب علي رئيسنا الشرعي.. يظن السيسي أن الاستفتاء الوسيلة التي سيمكث بها في الحكم إلى ما لا نهاية ولكني على يقين أن “التعديلات الدستورية” هي الوسيلة الأمثل لاتحاد المصريين مرة أخرى ضد هذا النظام الفاشي ..تعديلاتك باطلة وسياستك مرفوضة حتى تسقط أو ترحل”، فيما كتبت سهام علي :” مش معترفين انك رئيس أصلا”.

وكتب أحمد شاكر: “طب رئيسنا المحترم الصامد الصابر المحتسب اقوله ايه؟؟؟ احنا شاركنا معاهم وقولنا لالا لا يافرحتي يا مصري كدة الثورة بتتسرق مننا وده التنببه اللي قالو لنا الريس مرسي قبل ما يعتقلوه اوعوا الثورة تتسرق منكم هي الخدعة والمكيدة اللي بيدبرها هؤلاء اللئام.. اوعي يضحكو علينا”، مضيفا :”طب الناس المعتقلة دي اقولها ايه؟؟؟ رحت رفضت التعديلات الدستورىة وهما اساسا معتقلين وبيتعذبوا وبيتقتلوا علشان رافضين الدستور من اساسه باي عقل واي منطق واي وش اقولهم الكلام ده”، فيما كتبت إيمان :”علشان كفاية تدمير لسيناء ، كفاية تعليق جرائمكم وفشلكم علي شماعة الارهاب”.

وكتبت سما نور: “علشان مافيش حرية ولا عدالة اجتماعية ولا حتى عيشة ودى اقل حقوقنا.. علشان كفاية خراب كفاية غلاء اسعار كفاية بيع اراضى كفاية اعتقال كفاية اختفاء قسرى كفاية سرقة من الغلابة.. تعبنا وزهقنا وقرفنا من كتر تحكم العسكر فينا نفسنا فى عيشة هنية نفسنا فى حياة كريمة ونضيفة بعيد عن الهم والغم والغلا والقرف..السيسي قاتل..السيسي خاين..السيسي فضحنا..السيسي عميل..السيسي فاسد..السيسي فاشل”.

وكتبت أبرار محمد: “عشان صوتى ليس له أى قيمه لأن عندنا بمصر لا شفافيه ولا نزاهه ولا مصداقيه فى صناديق الانتخابات”، فيما كتبت هند عبدو :”علشان خيره رجال البلد الشرفاء الابرياء السيسى وضعهم بين قضبان السجون للتخلص منهم لكى يسيطر على مفاصل الدولة ويخدها فى كرشة”، فيما كتب رضا مؤمن :”طول ماالعسكر ماسكها مش هتعمر أبدا والخراب هيزيد كل لحظة”.

وكتب سامي فريد: “علشان كفاية بناء في السجون عايزين نعيش في الفيلل بتاعتكم والقصور”،. فيما كتبت سلطانة مانور: “علشان الفكرة الأساسية من تعديل الدستور ليست فقط تمديد رئاسة السيسي، وإنما محاولة تحصين النظام العسكري الذي جاء عقب انقلاب 3 يوليه 2013 وعلشان السيسي أصلا مغتصب للسلطة والرئاسة، وليس له أي شرعية منذ أول يوم استولى فيه على هذا المنصب”.

وكتبت سوسو مصطفى: “مش نازلين علشان مصر بقت سجن كبير” ، فيما قال معاذ محمد الدفراوى: “علشان الاسعار بقت نار”، وكتبت ريتاج البنا: “علشان السيسى عمره ماهيكون رئيسى والرئيس الشرعى مختطف”، وكتبت رحمة علي: “مفيش اى قنوات ناقلة تصويت المصريين فى الخارج لأن السفارات فاضية ولم يذهب أحد.. اتجاه المقاطعة يكتسح ولا يصح إلا الصحيح فإن التصويت على الباطل باطل”.