اخبار مصر
Akhbar Alsabah اخبار الصباح
فيديوهات مصرية
تستاهل كل اللي يجرالك ياريس
الرئيس يعني إيه كل يوم تقوم تصلي الفجر وتطلب من ربك العون واللي قبلك كان بيقوم يغير ريقه علي قوت الشعب ويلعب إسكواش ويطلب العون من أمريكا..
يعني إيه تلف العالم عشان تجيب استثمارات وفلوس للبلد ،واللي قبلك كان من مكانه بيهرب فلوسنا لكل دول العالم..
يعني إيه تصلي الجمعه كل أسبوع في محافظة واللي قبلك كان بيسحب الحكومه لجامع شرم الشيخ مرتين في السنة..
يعني إيه تطلب من الدكتور عبد الرحمن البر إنه ينبه علي المصلين عدم التهليل لك احترامًا لقدسية الصلاة ،وأحمد نعينع أول ما شاف المخلوع داخل الجامع غير السورة بسرعة وقراله:" والضحي والليل إذا سجي ماودعك ربك وماقلى" ( حصلت أخر عيد ضحية للمخلوع )
يعني إيه تخطب في الناس بتلقائية وتمكن من اللغة واللي قبلك كان بيهرتل وهو بيقرا من ورقة ، يعني إيه ملم بكل التفاصيل واللي قبلك كان مفيش علي لسانه غير البتاع ده اللي اسمه ايه..
يعني إيه ماتستغلش أزمة أبو تريكة مع الأهلي مع أنه بيدافع عن الشهداء واللي قبلك سخر البلد بكل اأهزتها لحل مشكلة الحضري الهارب..
يعني كل أسلحة القوات المسلحة تعمل مناورات وتدريبات برًّا وبحرًا وجوًّا ،واللي قبلك شغلهم في البقالة وتسمين العجول وسبوبة عرق الجيش..
يعني إيه تتابع الملف الأمني لحظة بلحظة واللي قبلك كان بيطلق البلطجية ينهشوا في عرض الناس ويهدد الناس إما الاستقرار أو الفوضي..
يعني إيه الصوامع تتملي رز والجنيه يرتفع ومصر تبقي أول الدول الجاذبه للاستثمار والصفقات في منطقة الشرق الأوسط واللي قبلك كان بيشحتنا كسر الرز بأضعاف تمنه وغرق الجنيه وانتعش الاستحمار..
يعني إيه تبدأ في تدشين محور قناة السويس لتشغيل 6 ملايين عامل وتعمل مدن علي ضفتي القناة واللي قبلك كان محول المجري الملاحي علي جيبه هو وولاده..
يعني إيه يكون عندك أربع ولاد منهم واحد متغرب عشان لقمة عيشه واللي قبلك كان عنده ولدين مديهم البلد وضع يد ،، ياريس حرام عليك في حد في الدنيا يعمل كده وعنده إعلام لميس والخسيس والدسيس إبليس !!!
سياسة | المصدر: أ. عماد النشار | تاريخ النشر : الجمعة 02 نوفمبر 2012
أحدث الأخبار (سياسة)
تعليقات القراء
موقع أخبار الصباح على الفيسبوك
Akhbar Alsabah
أخبار الصباح على التويتر
خدمة أخر الأخبار
أضف بريدك الإليكتروني
للحصول على أخر أخبار مصر
الإشتراك سهل و مجاني
يمكنكم متابعة احدث اخبارنا عن طريق شبكات التواصل الاجتماعى المختلفة
facebooktwitterRss
2016®أخبار الصباح AkhbarAlsabah.com