أحمد موسى: السجين المصري يصل راتبه الشهري إلى 6 آلاف جنيه

"مستشفيات على أعلى مستوى وراتب شهري يصل إلى 6 آلاف جنيه"، هكذا وصف الإعلامي المقرب من الأجهزة الأمنية أحمد موسى، مستوى سجون مصر في عهد السيسي.
وقال موسى في برنامجه "على مسؤوليتي"، على فضائية "صدى البلد": "هم بيتكلموا عن التعذيب في السجون، لكن أنا بقول مستوى الرعاية الصحية في سجون مصر، غير موجود في دول في العالم".

ولم يكتف موسى بذلك، بل تابع ليصف ما رآه في جولة لإعلاميي النظام في السجون: "احنا بنراعي حقوق الإنسان زي العلاج وكمان الأكل فيه فواكه وخضروات ومزارع فيها حاجات مش موجودة بره السجون، وفيه سجناء بيشتغلوا وينتجوا وبياخدوا مرتبات ومكاسب بتوصل إلى 6 آلاف جنيه في الشهر".

كلام موسى، عن السجون، تلقفه رواد مواقع التواصل الاجتماعي بالسخرية من جرعة التطبيل الزائدة للداخلية وسجونها.
قال خيري القاسم: "‏يصل إلى 6 آلاف جنيه شهريا.. أحمد موسى يتحدث عن رواتب بعض السجناء.. بفكر حد جاي".
وغرد أحمد علي: "‏أحمد موسى بيقول السجناء بيشتغلوا في السجن وبياخدو رواتب تعدى 6000 جنيه.. الحياة أصبحت وردية في السجون".
وأكدت منال: "‏‎هو حد يصدق الموسى ده والله لو قالي إن الشمس بتشرق من الشرق وتغرب من الغرب بردوا مش هاصدقه".

وطلب شريف رضوان: "‏أحمد موسى: السجناء بيشتغلوا في السجن وبياخدوا رواتب تعدى الـ ٦٠٠٠ جنيه.. طب ممكن حضرتك اشتغل مسجون".
وسخر سمير الغريب: "‏العدد محدود ومفيش وسايط .. بالفيديو .. أحمد موسى: رواتب بعض السجناء تصل 6 إلى آلاف جنيه شهريا".

وتساءل جمال: "‏‎ليه؟ السجن انضم للاتحاد الأوربي!"، ودعا محمود حامد لموسى: "‏‎يا رب تتسجن وتعيش عيشة الرفاهية دي".
وخاطب جلال جادو الشعب: "‏يا حلاوة يا ولاد .. يا شعب مصر.. اهجموا على السجون .. دول 6 آلاف جنيه .. غير أكلك وشربك ونومتك طبعا".