السيسي تكفيه وجبة واحدة لبقية عمره

يواصل قائد الانقلاب العسكري "عبدالفتاح السيسي" في إثارة الجدل والسخرية والسخط، بتصريحاته التي يُلقها على الشعب خلال المؤتمرات، وبعد مقوله"10 سنوات بثلاجة ، مفيهاش غير مياه"، عاد "السيسي" ليضرب من جديد بمقولة جديدة، عن استعداده تناول وجبة واحدة فقط لبقية عمره.

وكان السيسي يتحدث خلال افتتاحه أحد مشروعات الكهرباء الثلاثاء، عندما قال إن "وزارة البترول لجأت للاستدانة والسلف لتوفير متطلبات إنتاج الكهرباء".

وتابع: "في دول تعدادها 100 مليون ومعندهاش الكهربا اللي كانت عندنا في 2014، إحنا عندنا كهربا لـ100 مليون، مفيش حاجة ببلاش، وأرجو أن تكون الكلمة حاضرة لكل اللي بيسمعوني، سواء مفكرين أو مسؤولين أو نواب؛ لأن قيادة الدولة كلام تاني خالص".

وتابع: "100 مليون إنسان عايزين يتعلموا ويبقى عندهم أمل وتعليم، ده ما بيتحققش بالأكل والشرب، قسمًا بالله لو كان الموضوع وجبة واحدة في اليوم لبناء أمة، أقسم بالله لأقعد بقية عمري آكل وجبة واحدة".

وأثارت تصريحات السيسي، موجة من السخرية على مواقع التواصل الاجتماعي "فيس بوك" و "تويتر".

وسخر أحد النشطاء ويدعى "أبن مصر" قائلًا: "السيسي مره تلاجته 10 سنين مافيهاش غير مياه ومره تانيه هياكل وجبه واحده علشان يبنى مصر، إن شاء الله المره الجايه هيتنفس من مناخير واحده علشان يوفر الهواء والمره اللى بعدها هيستحمى على مرتين مره النص اليمين ومره النص الشمال علشان يوفر المياه اللى اثيوبيا اخدتها".

وقال الناشط "أحمد البقري" : السيسي بعد ما أقسم انه قعد 10 سنين تلاجته مفيش فيها غير ميه بس!! اليوم يقسم من جديد انه مستعد يقعد باقي عمره يأكل وجبة واحدة #ارحل_يا_سيسي و #كفاية_عك".

وعلق الدكتور "حازم حسني" المتحدث السابق باسم حملة رئيس أركان الجيش الأسبق الفريق "سامي عنان" (المعتقل حاليًا) على تصريحات السيسي، قائلًا: "العجب العُجاب، اليوم، عاد السيسى لتكرار ما يطلبه دوماً من المصريين دون ملل: اصبروا معى وسترون فى مصر العجب العُجاب!... سؤال، ولو أنه يؤلم من لديه بعض الإحساس: هم المصريين لسه ما شافوش #العجب_العُجاب؟!".