جمعية الأورمان: ما فيش فقير في مصر

تشهد مواقع التواصل الاجتماعي جدلاً كبيراً، حول تصريحات مدير عام "جمعية الأورمان الخيرية"، اللواء ممدوح شعبان، بعدما قال إن "مصر الخير فيها للركب وأقدر أقول ما فيش في مصر فقير ولا حد محتاج".
ورغم مرور يومين على تصريحات اللواء أمام السيسي، في جلسة "اسأل الرئيس" خلال "المؤتمر الوطني للشباب" الأخير، إلا أن ناشطين أعادوا نشر فيديو التصريحات، مصحوباً بحملة مضادة للجمعية التي تسوق لنفسها بأنها تساعد الفقراء، في حين يؤكد رئيسها عدم وجودهم أصلاً، ودشنوا وسمي "#قاطعوا_جمعية_الأورمان" و"#قاطعوا_الأورمان".

ودعا محمد طه: "‏بقترح على كل من تبرع للأورمان ولديه إيصال يذهب للجمعية ويطالب باسترداد تبرعه بما أنه لا يوجد فقراء في مصر. ‎#الاورمان ‎#جمعية_الاورمان".

ولفت محسن البادي إلى التناقض: "‏اللواء ممدوح شعبان، مدير عام جمعية الأورمان -مفيش حد فقير في مصر- يعني بتكدب السيسي... احنا فقروا أوى"، ووافقه صاحب حساب "وقومنا عاملين ثورة": "مدير جمعية الأورمان اللواء ممدوح شعبان بيقول ما فيش فقرا! قطع لسانك بتكدب الريس اللي قال احنا فقرا أوي صحيح".

وقال حازم طلعت: "‏بجملة واحدة من سيادة اللواء رئيس جمعية الأورمان ضيع تأثير الحملة الإعلانية المكبرة للتسول التي تطل علينا سنويا في رمضان. ما هو الناس ها تتبرع للجمعيات ليه ومصر ما فيهاش فقراء".

وتساءل شريف: "‏‎#قاطعوا_جمعية_الأورمان... وطالما ما فيش فقير في مصر... انتي جاية تشتغلي ايه".

وغردت جيداء المصري: "‏لك أن تتخيل اللواء ممدوح شعبان لواء جيش متقاعد، مدير جمعية دار الأورمان وبتقول للناس اتبرعوا لفقير ولمريض واكفلوا يتيم وهاتوا جاموسة عشر لأرملة طلع يقول للسيسي مفيش حد في مصر فقير؟ طب الفلوس اللي بتجمعها دي بتوديها فين؟ علشان كده الجمعية شغالة ومفيش تضييق! #قاطعوا_جمعية_الأورمان".

وعن إعلانات رمضان تساءل كابتن مصطفى الشريف: "‏هو مدام مفيش فقير في مصر فضحتونا ليه بإعلانات الشحاتة؟ #قاطعوا_جمعية_الأورمان"، وسأله طاهر سيد: "#قاطعوا_جمعية_الاورمان... رئيس الجمعية بيقول للرئيس السيسي مصر مفيش فيها فقير _ التبرعات اللي بتلموها طيب بتروح فين؟".

وغرد رضا عبدالفتاح: "‏‎#قاطعوا_جمعية_الاورمان... عندما تنحرف كيانات خيرية لخدمة ونفاق الطاغية وتسئ استخدام أموال الخير في زفة السلطان فلا تثق فيها وتحرى بنفسك سبل الخير".