Akhbar Alsabah اخبار الصباح

تصاعد الإنتهاكات بحق الشيخ حازم أبو إسماعيل داخل المعتقل

الشيخ حازم أبو إسماعيل كشف القيادي بجماعة الإخوان المسلمين، محسن راضي، إن هناك تصعيد شديد فى الانتهاكات بحق والده، والشيخ حازم صلاح أبو إسماعيل وعدد من قيادات الجماعة داخل محبسهم بسجن طره.

وأضاف "راضي" في بيان له: "سجن ملحق طره المعتقل فيه والدي، موجود في زنزانة انفرادي، ممنوع وجود أي شيء في الزنزانة أيًا ما كانت حتى الأغطية والمراتب اللي بينام عليها ما عدا المصحف وبعض الأحيان بياخدوه منه".

وتابع: "ممنوع الزيارات لمدة سنة عنه، مش بنشوفه إلا من المحاكمة من ورا القفص الزجاجي اللي ظاهر في الصورة دي وبنتكلم معاه بالإشارات، ودلوقتي بقي يبعدونا عن القفص بحوالي 8 أمتار يعني دلوقتي والدي يشوفنا بالعافية، ممنوع دخول الأكل وبيقدموا له الاكل الميري، اللي اللحمة بتاعته رماها مرة للقطة مكلتهاش فما بالكم بالبني آدمين".

وأشار "راضي" إلى أن "إدارة السجن قفلت عنهم الكانتنين، وحتى وهو كان مفتوح كان بيحددوا لهم الحاجات بالعدد يعني مثلا يبقي ليه 3 كوبايات زبادي في الأسبوع، وده اللي عرفناها والله أعلم في إيه تاني بيحصل".

وأكد إن هذه الانتهاكات تحدث لمجموعة أخرى من المسجونين وه بيحصل برضوا مع 5 اخرين في السجن ده وهما الدكتور محمد بديع والشيخ حازم أبوإسماعيل والدكتور باسم عودة والدكتور سعد الكتاتني والدكتور محيي حامد بل أشد كمان لبعضهم، زي الدكتور بديع شايلين ستارة الحمام من زنزانته وتكسير البلاط من زنزانة الدكتور سعد ومنهم ممنوع الزيارات عنهم ما يقارب من عامين".

واختتم: "ضغط نفسي وإهانة لا يتحملها أي شخص ولكن بفضل الله وكرمه مازلنا نرى ابتسامتهم على وجوههم وثابتين وصابرين ومنهم من يرى رؤى جميلة ومنهم من رأى الرسول صلى الله عليه وسلم في المنام لأنه مهما منعت عنهم وضغط عليهم مش هتقدر تمنعهم عن ربنا وعلاقتهم بالله عز وجل، وربنا مش هيسيب الظلم ده مهما كان، وما علينا إلا بالدعاء الكثيف لهم".
سياسة | المصدر: جريدة الشعب | تاريخ النشر : الجمعة 16 مارس 2018
أحدث الأخبار (سياسة)
يمكنكم متابعة احدث اخبارنا عن طريق شبكات التواصل الاجتماعى المختلفة
facebooktwitterRss
®أخبار الصباح AkhbarAlsabah.com